Ech stelle mir d’Fro, firwat d’politsch Elite eng Verfassung laanscht d’Biirger etabléiert huet, amplaz d’Biirger an Europa iwwert hir Wënsch, Ängscht an Erwaardungen ze froen an dorobs hin eng Verfassung ze maachen.

Ech sinn iwwerzeegt, datt dëst mei reell wir, ewéi dee Kabes, deen VOlleksvertrieder an Leitartikelschreiwer ons wëllen den 10. Juli octroyéieren.

Sécher hätt dat Zäit an Usproch geholl a kee méi hätt sech kéinten erausriede mat der Floskel, hie wir ni gefrot ginn.

Kann deen duebelen Neen net als Chance gewäert ginn, fir Europa dem Biirger endlëch méi no ze bréngen an eng Verfassung ze schafen, wou d’Biirger, déi vu mediegäile Politiker entmündegt goufen, mat anzebannen ?